Врв Красна

Утринското февруарско сонце ја разгалуваше патеката од село Горно Количани кон месноста Красна на планината Китка на досега најмногубројната прошетка во организација на КПС Македон. Учествуваа 27 планинари.

Иако зимското сонце брзо беше покриено од облачното небо, неверојатните глетки кон планинските побелени венци на Шар Планина, Кораб, Караџица, Јакупица и Голешница речиси ни беа на дофат. Со јасните снежни височини пловевме низ времињата. Китка во зима е незаборавна. Полустопениот снег на ливадите ја најавува пролетта, а веќе и кокичињата и качунките полека се будат. Гордо исправените букови дрвја трпеливо ја чекаат својата нова облека. Кривулестата снежна патека не доведе до врвчето Красна. Уште еден поглед кон блиските далечини чиишто ледени врвови го допираа небото. Денот мина, а не забележавме.

П.С. Благодарност до сите учесници во дружбата. Посебно за високиот степен на убаво однесување и исклучителната дисциплина. Браво за девојките за дополнителната убавина.

Никола

Sky Bet by bettingy.com

За нас

Logo Планинарскиот клуб „Македон“ од Скопје функционира уште од 2008 година. Целта на клубот е омасовување посебно со млади членови, и создавање на комплетно планинарски образовани членови. Структурата на членови е различна, од искусни алпинисти и планинари до млади членови со мало искуство. Наш најистакнат член е... Повеќе