Илинска Планина, Кичево 4 – 05.07.2009

04.07.2009

На 4 Јули, членови од КПС „Македон„ во соработка со планинарскиот клуб од Кичево на чело со Марјан , учествуваа во акцијата Илинска планина.&nbsp

Вечерта, на 4 Јули покрај поројниот дожд се искачивме на Илинска планина во конаците на црквата св. Илија. Благодарејќи на нашиот голем ентузијазам и амбиции да се искачиме до црквата св. Илија, ни требаа рекордни два часа.&nbsp

Поради дождот, планинарската опрема ни беше наводенета и требаше да се исушиме. Гостопримливиот чувар ја запали печката и ни помогна да си ја исушиме опремата. Исто така не почести со еден убав планински чај да се стоплиме. Откако се исушивме дел од групата отиде во конаците да спијат, а останатите останаа да се гозбат и веселат со музика.&nbsp

Следното утро околу 9 часот и триест минути тргнавме да го искачуваме врвот на Илинска планина. Ни требаа околку два часа да го искачиме врвот одејќи по многу релаксирачка патека со прекрасни глетки. Од врвот се гледа Кичево, Охрид и Охридското езеро. Но, бидејќи имаше магла и времето беше облачно не беше возможно да се види Охрид и Охридското езеро.&nbsp

Кога го освоивме врвот, се сликавме и го евидентиравме ова планинарско достигнување. Но, мене ми беше криво што за прв пат се качувам на врв а не успеав да се искачам преку 2.000 метри. Можеби звучи малку амбициозно но сепак прекрасно е чувството кога ке се искачи еден врв колкав и да е.&nbsp

На враќање имавме организиран превоз до манастирот Пречиста крај Кичево и отидовме да се помолиме.

Ова патување на Илинска планина навистина беше интересно, особено превозот со комбињата кои беа многу авантуристички и незаборавни.&nbsp

Стефан

{gallery}akcii/2009/ilinskaplanina{/gallery}

Назад кон извештаите
Scroll Up
  • Scout Nomad Mobility Garmin Step Marketi Stop&Go