Почитувани другари, планинари и планинарки. Љуботен како алтернатива за едно убаво искачување одсекогаш постои. Така испадна и овој викенд. Во деновите 16 и 17.01.2010 години по едно трауматично пребројување на пријавени луѓе и коли, група од 14 ентузијасти со 4 коли тргна кон Старо Село, традиционално појдовна точка кон домот и врвот Љуботен. 

Два члена на нашето друштво, Глигор Делев и Слободан Делев, го искачија врвот Аконкагва 6 960 мнв. Тоа е највисокиот врв на Андите и највисок врв надвор од Азија, а се наоѓа во јужна Америка, во Аргентина, на граница со Чиле.