14 декември - датум кој за планината, всушност, значи нејзин празник, односно, познат е како ден на планината во светски рамки. На овој ден, ширум светот се организираат најразлични активности кои имаат некаква врска со планината, па, затоа, сите планинари, љубители на природата сакаат овој ден да го поминат на планина...

Некако се понадевав дека летото ќе потрае. Сепак, газев по снег во месец мај и јуни. И тоа доста. Па редно беше да пешачиме по сончевите планински падини во ноември. Но тој план не се оствари. Првиот снег падна уште веднаш откако се стопи, оној летниот.

Некако се понадевав дека летото ќе потрае. Сепак, газев по снег во месец мај и јуни. И тоа доста. Па редно беше да пешачиме по сончевите планински падини во ноември. Но тој план не се оствари. Првиот снег падна уште веднаш откако се стопи, оној летниот.

Пред нас продолжен викенд од три дена. Совршенство за договор за неколкудневно уживање. Идеја имавме (на Анетка уште од минатиот викенд поминат на Илинска Планина), но дефинитивен договор не.

Длабока река е лева притока на Рибничка река, која пак е десна притока на реката Радика. На неа се наоѓа познатиот Корабски водопад , највисокиот водопад во Република Македонија од 136 метри, кој се јавува под врвот Мал Кораб во пролетните месеци со топењето на снегот.

Турата ја планиравме подолго време, но се нешто искрснуваше и се пролонгираше. Најпосле, на состанокот на Клубот решивме нашата идеја да ја реализираме овој викенд и воопшто не згрешивме-:). Следејќи го договорот, ние - шестмина (јас - Снеже, Цаци, Петар, Ханс, Марија и Виктор) одиме во петок со воз во 17:10 ч за Богомила, па такси до Папрадиште и ноќно пешачење до планинарскиот дом,Чеплес. А останатите (Оле, Љупчо - Кос, Анетка, Ема и Кире) доаѓаат во сабота рано со автомобили. И започнуваме на железничка со "ситуација".

Ова е прва година на претставување на традиционалната Reel Rock филмска турнејата, со светски најдобрите и најгледани алпинистички филмови, во Скопје. Оваа година за прв пат македонската публика ќе има можност да го проследи и деветтото продолжение на Reel Rock, кое го носи долго очекуваниот документарен филм 'Valley Uprising' (Бунтот во Долината) на американските филмаџии Peter Mortimer и Nick Rosen.

Каменица, Луковица, СА, СА! Така оди една песна која доаѓа од источните краеви на Македонија, а така и ние, преку Кочани, Македонска каменица, па преку рудникот Саса, нагоре кон Осоговската планина и врвот Руен, највисокиот на оваа планина распространета низ цел североисточен дел на Македонија, а богами и кон Пиринскиот.

После долги подготовки во пресрет на клубската акција на Алпите најавена за оваа година, дојде време за поаѓање. Сите единаесетмина одлично подготвени за предизвикот на 05.07.2014 рано наутро поаѓаме од Скопје и прва станица треба да ни биде малото место Алања во Италија, сместено во подножјето на масивот Монте Роса.

Први јуни. Летото веќе одамна би требало да е започнато. Но, не е. Дождовите не се смирија, а снеговите се насекаде по планините. Но, поривот за искачување не стивнува, па какво и да е времето.