Викендот 24-25.05.2014 падна договор за искачување на врвот Солунска Глава и тренинг на последните снежни остатоци на снежникот на Горна Бабина дупка. Од Скопје појдовме четворица (Алек, Петар, Дејан и Дарко) во сабота попладне околу 15:30 часот, па преку село Папрадиште натоварени со доста опрема во домот Чеплес пристигнавме пред стемнување.
Заради промена овојпат решивме да одиме преку месноста Корита. Неколку часа не следеше топлото утринско сонце низ дремливата листопадна шума. Одвреме навреме ќе видевме по некоја птица во лет како ужива во синилото над густо распоредените дрвја.
По завршувањето на новогодишните прослави, јас - Дарко, Алек и Петар, рано наутро во 6 часот тргнавме кон Ново Село со цел да го искачиме врвот Бориславец. Во селото пристигнавме околу 8:00 часот и по малите подготовки и разменувањето по некој збор со мештаните се упативме кон нашата цел.
И покрај разноликоста на настани која беше понудена викендот 10-11.05.2014, не ни беше тешко да избереме каде сакаме истиот да го поминеме. Договорени една недела однапред, пет членови на Македон: Петар Ивановски, Дејан Атанасов, Никола Тануровски, Боби Китановски и јас, Александра Моцаноска, уште рано во саботата се собравме, секој од својата страна и се упативме кон Пелистер.
Маглата ни беше придружник тоа утро до Прилеп. Пред да влеземе во градот од месноста Плетвар само за миг ни се отвори едно прозорче за да уживаме кон Трескавец и Златоврв што се капеа во штотуку излезените зраци. Влегувањето во Прилеп наликуваше како слегување во подземјето.
