Што е потребно за да станам член на планинарскиот клуб Македон?
Најпрво е потребно да ја сакам планината и природата, а потоа да имам желба да одам на планина и да се дружам со луѓе со кои вистински ќе ја доживеам и откријам и тоа во правилна насока без разлика дали кон планината ќе настапам професионално со цел постигнување врвни резултати или едноставно ќе бидам тука за да уживам во убави прошетки и дружења.
Членарината за 2024 година во ПК Македон изнесува 800 денари, која важи во период од една календарска година до 31 декември во тековната година. Планинарското осигурување е опционално и се доплаќа 300 денари.
Млади до 18 години и нови членови кои првпат уплаќаат членарина од 1 септември во тековната година, членарината изнесува 450 денари. Уплата се врши преку уплатница (ПП10), примач ПК Македон, банка на примач – NLB Банка на жиро сметка – 210 0635 3550 0109.
Доколку сте корисник на електронско банкарство од Вашата банка, може да направите онлајн уплата преку вашиот мобилен телефон, а потоа испратете ни screenshot од уплатницата на апликацијата.
После уплаќањето, известете не на официјалниот мејл на клубот поради подигнување членска книшка и маркица за тековната година.
Во продолжение за членство се пополнува онлајн пристапницата која е достапна подолу на копчето „Зачлени се“.
