Пет години по ред ПК Македон успешно ја организираше масовната планинарска забава на Бегово Поле на Јакупица. Настанот почнувајќи од 2013 година е преместен на падините на Бистра во селото Беличица и се организира во втората половина на месец јуни.
Првата планинарска забава на Беличица се одржа викендот 22-23.06.2013 година, како продолжение на низата успешни забави на Бегово Поле. Оваа забава претставува традиционална клубска активност и се организира во втората половина на јуни, на падините на планината Бистра.
Покрај самостојните акции, клубот редовно е присутен и на сите позначајни организирани традиционални планинарски настани во нашата земја. Меѓу нив може да ги издвоиме: маршот во чест на Димитар Илиевски-Мурато на Пелистер, традиционалното искачување на Голем Кораб по повод денот на независноста, маршот “4 алпинисти“ на Солунска Глава, традиционалните искачувања на Љуботен и Титов Врв, пролетниот марш Богомила-Водно, февруарскиот поход на Плачковица и многу други.
ПК Македон досега има реализирано неколку успешни искачувања на највисокиот врв на планината Пирин, Вихрен 2915 мнв, како и на останатите повисоки врвови на оваа планина.
Секоја година ПК Македон во месеците јуни/септември организира искачување на највисокиот врв на планината Олимп, Митикас 2918 мнв. На овие планинарски акции од страна на членовите на ПК Македон искачени се и врвовите: Стефани, Сколио и Скала.
ПК Македон уште од своето формирање секоја година организира искачувања на највисокиот врв на Балканот, Мусала 2925 метри. Досега се реализирани поголем број на успешни искачувања на овој врв, како во летни така и во зимски услови.
Од 13-19.07.2015 ПК Македон организираше акција за искачување на највисокиот врв во Австрија - Гросглокнер (3798 мнв.). Учесници на акцијата беа Александар Кирковски, Дејан Тодевски и Димитар Јовановски.
На 22.08.2012 година Дејан Крле (ПК Македон) заедно со Зоран Мајсторски (АК Плоча) успешно го искачија врвот по гребенот Хорнли / Искачување на врвот од швајцарска страна по гребенот Хорнли, од страна на Александар Кирковски (ПК Македон) и Бојан Митаноски (ПК Кораб), изведено на 21.07.2013 година
Искачување на врвовите Цумштајшпиц 4563 мнв и домот Маргарита 4554 мнв на масивот Монте Роса од италијанска страна, од страна на Дарко Јанески, Александар Кирковски и Андреј Новак.
Искачување на Николчо Петров (ПК Македон) заедно со Мине Павловски – рута Де Гуте, 26.08.2008 / Искачување на двајца членови на ПК Македон, Александар Кирковски и Петар Ивановски, на 31.07.2012 по рутата Де Гуте / На 31.07.2013 успешно искачување на врвот по рутата Де Гуте од страна на Александар Кирковски, Јордан Топкоски, Ане Тошевска, Марија Хаџи-Ристова и Дамир Смајловиќ
Успешно искачување на највисокиот врв во Европа, Елбрус 5642 мнв, од страна на членовите на ПК Македон: Петар Ивановски, Дејан Атанасов, Душко Христов и Виктор Симовски. Искачувањето беше реализирано во рамки на експедицијата на ПД Балкан од Србија.
Учество на Николчо Петров (ПК Македон) на експедицијата на БМУ на Ленин Пик 7134 мнв, на планинскиот масив Памир во Киргистан.
Успешно искачување на највисокиот врв на Андите, воедно и највисок врв надвор од Азија, од страна на Глигор Делев и Слободан Делев.
Учество на Николчо Петров на експедиција на Хималаите и успешно искачување на врвовите Ајланд Пик 6189 мнв и Чукунг Ри 5550 мнв.
