Ова е официјален вебсајт на Планинарскиот клуб Македон од Скопје, Македонија.
Основачкото собрание на клубот е одржано на 02.04.2008 год. во салата за состаноци на општина Карпош. Целта на клубот е омасовување на планинарството посебно со млади членови, и создавање на комплетно планинарски образовани членови, без разлика дали се занимаваат рекреативно со планинарски спортови или активно со намера да постигнат врвни резултати.
Структурата на членови е различна, од искусни алпинисти и планинари до млади членови со мало искуство. Просечната старост на членовите на клубот е 31 годинa. Наш најистакнат член е Слободан Јованоски – Боби, член на Македонските Хималајски експедиции од 80-тите години.
Во изминатите шест години постоење, членовите на ПК Македон имаат реализирано и поголем број на искачувања надвор од границите на Македонија и тоа: Мон Блан во неколку наврати, Елбрус на Кавказ, Матерхорн, Аконкагва, Ајланд Пик, Ленин Пик и други.
За планинарското образование на своите членови, ПК Македон има формирано посебна комисија која организира предавања и теренски вежби, и тоа предавања после секој втор состанок на клубот, и теренски вежби соодветно со теоретските предавања.
Зачленувањата во клубот се прават на редовните состаноци. Членарината за 2021 година изнесува 500,00 денари и потребно е да се уплати на клубската жиро-сметка на NLB Банка: 210063535500109
