17.02.2013
Како што беше најавено на состанокот на ПК “Македон”, се организираше еднодневна планинарска акција на Китка.
Појдовме од Скопје од паркингот кај поштата на Нова железничка станица во 07:00 часот со организиран превоз – комбе. Вкупно имаше 18 учесници.
Од поаѓањето од село Горно Количани до планинарскиот дом Китка, пешачевме два и пол часа. Една поголема група се одвои и отиде до врвот Красна, додека една помала група остана во дрвените куќички околу домот.
Во меѓувреме, пристигнаа Александар Кирковски и Деско, кои ја поминуваа трансверзалата Македон, од с.Ореше – планинарскиот дом &ldquo Чеплес&rdquo – Солунска Глава-дом Караџица – дом Китка до с. Горно Количани.
Откако се собравме сите, тргнавме до с. Горно Количани, каде не чекаше организираниот превоз кој не однесе до Скопје.
Атанас Стојковски
Душко Христов
